" Sayokan Döyüş sistemi üzrə Ümümmilli Lider Heydər Əliyevin xatirəsinə həsr olunmuş II-açıq Respublika Turnirinə yekun vuruldu"

8 may 2011-ci il Binəqədi idman kompleksində təşkil olunmuş Ümümmilli Lider Heydər Əliyevin xatirəsinə həsr olunmuş, Sayokan Döyüş sistemi üzrə II-açıq Respublika Turnirinə yekun vuruldu. İlk dəfə olaraq aşıq hava şəraitində bu cür cəng meydanı qurulmuşdu.Bu cəng meydanında Bakı Filialları ( Binəqədi, Suraxanı, Qaradag,Yasamal, Sabunçu, Nərimanov), Sumqayıt, Xaçmaz, Beyləqan, Qubadlı, Şuşa, Agcəbədi, Fizuli, Ağdam, komandaları iştirak etdi. İştitakçılar Sayokan döyüş sisteminin Alaqan, Basaqar, Cəng döyüş sistemlərində mübarizə aparırdılar.

Yarışın açılış mərasiminə saat 13:00 da başlandı. İlk söz "AZERİMED” şirkətinin icraçı direktoru Asim Kazımova verildi. O İdmançılara uğurlar arzu edərək onları hər zaman sağlam olmağa səslədi və yarış təşkilatçılarına təşəkkür etdi. Daha sonra söz Binəqədi Gənclər və İdman idarəsinin rəisi Qüdsi Bayramova verildi. O, yarış iştirakçılarını salamladı və Binəqədi Rayon İcra Hakimiyyəti və Binəqədi qəsəbə Bələdiyyəsinə yarışı yüksək səviyyədə keçirilməsində etdiyi köməkliyə görə təşəkkürünü bildirdi.

Sonra söz Azərbaycan Sayokan Döyüş Növləri Mərkəzinin Prezidenti Vasif Namazova verildi. O bu yarışın ənənəvi olduğunu qeyd edərək gələcəkdədə Ümummilli Liderin xatirəsinə turnirləri hər il olduğu kimi təşkil edəcəklərini qeyd etdi. Sonra O, 8 may Şuşanın işğal günündən danışaraq qeyd etdiki «Bildiyiniz kimi bu gün 8 may Şuşanın işğal günüdü. Biz yarışı bu günə bilərəkdən məqsədyönlü şəkildə salmışıq. Məqsəd yetişən gənc nəsli məğlubiyyət ruhundan xilas etmək, gənclərimizi nikbin ruhda, cəsarətli və qorxmaz böyüməsi üçün marifləndirmək, onları işğal olunmuş torpaqlarımızı düşməndən azad etmək və Azərbaycan dövlətinin müstəqilliyinin qorunması üçün vətənə məhəbbət ruhuyla hazırlamaqdır. Biz hazır olmalı və Cənab Prezident Ali baş komandan İlham Əliyevin cənablarının əmrini gözləməliyik».

Sonda söz Binəqədi İcra Hakimiyyətinin başçısı Alı Qocayevə verildi. O öz çıxışında Ümummilli Lider Heydər Əliyevin ideyalarından danışdı, daha sonra qeyd edərək bildirdi ki " Əziz gənclər ölkədə bütün quruculuq işləri sizlər üçün, sizin gələcəyiniz üçün aparılır. Biz Hamımız cənab Prezident İlham Əliyevin əsgəriyik və biz onun necə bir komandan olduğunu bilirik. Ölkəmizin hər bir bölgəsində abadlıq işləri aparılır yeni idman kompleksləri tikilir. Bu komplekslərin tikilməsi Azərbaycanın saglam gələcəyini təmin etmək məqsədi daşıyır. Sizin hər birinizə uğurlar arzulayıram.

Komanda hesabı qaliblər - Alaqan Sistemi üzrə: 1-yer Suraxanı, 2-yer Fizuli, 3 yer Sumqayıt, Basaqar Sistemi üzrə: 1 yer Bakı-Mərkəz, 2-yer Nərimanov,3 yer Sumqayıt,Cəng Sistemi üzrə: 1 yer Binəqədi, 2 yer Nərimanov, 3 yer Sumqayıt komandaları qazandı.

Yarış, Binəqədi İcra Hakimiyyəti, Binəqədi Qəsəbə Bələdiyyəsi, Binəqədi Gənclər və İdman İdarəsi, "Azerimed" şirkəti, və Binəqədi rayonundan Millət Vəkili Madər Musayevin köməkliyi və Alfa Mühafizə şirkətinin, təşkilatçılıgı ilə həyata keçirildi.

QEYD: SAYOKAN ; " SAvaşçının (döyüşçünün) YOlu və KANı" cümləsindəki sözlərin baş hecalarının birləşdirilməsi anlamına gəlir.

· SAvaşçı,döyüşçü sözu ilə necə döyüşçü olcağının yolunu, yəni ağıl və bədən gücünü istifadə edə bilmə qabiliyyətini və intizamını ;

· YOlu sözü ilə ərdəmliliyi, barışı, çalışqanlığı, sevgini, hörməti tarixdəki böyüklərinin, adət və ənənələrini;

· KANı, qanı sözü ilə də tarixdəki qəhrəmanların birliyini, davamiyətini məqsədi daşıyır.

· Sayokan Dünya Türkləri' nin döyüş sənətidir.

YARIŞDAN ŞƏKİL SESSİYASI

Sayokan Mətbuat Xidməti – Eyyub Kamaloğlu

Telefon: Bakı - ( 012) 563 24 49 E-mail: sayokan@inbox.ru