Sumqayıt şəhər Üzeyir Hacıbəyli adına (Kimyaçılar)Mədəniyyət Sarayının qarşısındakı meydanda ümumşəhər tədbiri keçirildi. Şəhərin minlərlə sakini  bahar bayramının gəlişini birlikdə qeyd etmək üçün buraya toplaşmışdı. Bu ilki tədbir əvvəlki illərdəki tədbirlərdən fərqlənirdi. Tədbir meydanında şəhərin bütün ictimai sahələrindən ibarət iştirakçılar paradla davam edirdi. Tədbirdə Sumqayıt şəhər İcra hakimiyyətinin başçısı Eldar Əzizov, Milli Məclisin üzvləri Muxtar Babayev və Hacı Salayev, bələdiyyə, hüquq mühafizə orqanları, idarə və müəssisələrin, özəl sektorun rəhbərləri iştirak edirdi. Bayram şənliyinin iştirakçıları Sumqayıtın qəhrəman idmançılarını gurultulu alqışlarla qarşıladılar. Meydanda idmanın müxtəlif növlərindən dünya və Avropa çempionatlarının mükafatçıları olmuş 100-dən artıq idmançı var idi. Bu möhtəşəm bayram şənliyinə Azərbaycan Sayokan Döyüş Növləri Mərkəzinin idmançıları öz nümunəvi çıxışlarıyla  xsüsi töhvə verdi.