Sensei Ələddin Mirzəyev.  ilk Azərbaycanli ki. Yaponiyaya gedərək Əfsanəvi karate ustası Masutatsu  Oyamadan təhsil alaraq Kyokushin Karateni Azərbaycana gətirmishdir.

 Beynəlxalq karate təşkilatınn yaradıcısı, bu idman növünü Yaponiyaya gətirən 3 nəfərdən biri-koreyalı Sosay Masutatsu Oyamanın Azərbaycanlı tələbəsi Ələddin Mirzəyev öz dünyası olan insanlardan idi.  " Yalnız bacım Svetlanadan başqa məni heç də hamı yaxşı başa düşə bilmir,bəlkədə  başa  düşmək istəmir" deyən Əlləddin müəllim ötən illərdə Yaponiyaya gedib  ustad Oyamadan Kyokuşinkai karate növünün  sirlərini  öyrənməkdən ötrü əzablı yollar keçərək istəyinə nail olub.

Ələddin müəllimin karateyə  gəlişinin tarixcəsi də olduqca  maraqlıdır. 1982 ci ildə Çexo-Slavakiyada  Sovet ordusu sıralarında hərbi xidmətdə olarkən 9  may şənliyinə  iki yaponiya  karateçisidə  dəvət  edilir. Onların Nümunəvi  çıxışından sonra bu  döyüş sənətinə yiyələnməyi  qarşısına məqsəd qoyur

       1983-cü  ildə  ordu  sıralarından qayıtdıqdan sonra  Yekatirinburq ( Sverdlovsk ) Pedaqoji  İnstitunun İptidai  hərbi  hazırlıq və bədən  tərbiyəsi fakultəsinə daxil olur. İki  illik  əziyyətdən sonra yalnız  milis işçiləri  üçün nəzərdə  tutulmuş "Dinamo" cəmiyyətinin katate  bölməsinə  üzv ola bilir. Məşqçi S.Stepanov   da  Kyokuşinkai növü  üzrə  1 -dan  qara  kəmər  sahibi olub. 

         Bir  müddət  keçir, lakin oradakı məşqlər onu  qanə etmir. Ona  görədə   elə  bir  başa  olaraq "Kyokuşinkai" məktəbinin  yaradıcısı Oyama  ilə  görüşməyi qarşısına məqsəd qoyur. Bu məqsədlə keçmiş  SSRİ-nin  bir  çox  şəhərlərini  gəzib dolaşdıqdan sonra Vladivastoka yollanır. Xoşbəxt  təsadüf nəticəsində Aykido ustası Yaponiyalı Kakuta Yasui ilə görüşüb söhbət edə bilir. Yarış vaxtı Yasusi ona  bir neçə tapşırıqda verir. Məhs  bunları yerinə yetirdikdən sonra Oyama  ilə  görüşdürəcyini  vəd  edir.

         Bir ildən sonra Yasusinin məsləhəti ilə Oyama Ələddin Mirzəyevə "Kyokuşinkai" la  daha yaxından  tanışlıq üçün  Yaponiyaya  iki aylıq  dəvət  məktubu  göndərir.  Yaponiyada  Oyama ilə  görüşən əlləddin Mirzəyev  məqsədini  bildirir.  Əlləddin  Mirzəyev: "  Dedim ki, onun yaratdıgı, həqiqətin   hər  şeydən üstün tutdugu döyüş  məktəbinin ədalətinə  əmin  olmaq  istəyirəm...." 

      Beləliklə,  gərgin məşqlər  başlayır. 30  gün ərzində kənar  aləmdən  tamamilə  təcrid olaraq döyüş döyüş  həyat  tərzi keçirir. Özu  bu  haqda belə deyir:  " belə  bir  həyat  tərzinin  nədən ibarət  oldugu barədə  təssəvvür  yaratmaq  üçün bunları  bilmək lazimdir:  son dərəcədə  ciddi  intizam , Tokionun küçələri ilə  hər  gün  kros  qaçışı ,  eyni  zamanda  hər  gün  8  saat  məşq. Bunlardan başqa  həftədə  4  dəfə (  hər  dəfə  2  saat  müddətində) böyük  ustad  Oyamanın özündən dərs alirdım...."

1  aylıq  gərgin məşqlərdən sonra  (  1991-ci ilin  19  Dekabrında )  Oyama  ona bildirir ki,  Dekabrın 27-də 1-  dan qara  kəmər  üçün atestasiya  keçirəcək.       

Həmin  gen "Kyokuşinkay"  karatenin  baza  metodları, texnikası,məktəbin  fiziki mənəvi tələbləri və ilkin  həqiqtdən müvəffəqiyyətlə imtahan verdikdən sonra  Beynəlxal  Karate  Təşkilatının rəhbəri Mas. Oyama   1-dan  qara  kəmər  və  Təşkilatın Azərbaycandakı   Beynəlxalq  əhəmiyyətli  Nümayəndəliyin başçısı Sertifkatlarını Sensei  Əlləddin Mirzəyevə  təqdim  edir.

P.S – Zaman keçdi ancaq Əlləddin Mirzəyev  Azərbaycanın ilk "Kyokuşinkai"  Karate  ustası  kimi və Azərbaycanda bu məktəbin qurucusu kimi Azərbaycan döyüş növləri tarixinə adını  yazdı. Ələddin Mirzəyev  öz  dogma  vətənində bu  idman növünün  sirlərini öz  yetirmələrinə  öyrətdi  və  Azərbaycan  Kyokuşin Karate tarixində  Əfsanəfi  Əlləddin və ya  Yoxsul  kimi  adlarla  yadda  qaldı.  

6 mart 2010 cu il tarixində doguldugu Tərtər rayonunda torpaga tapşırıldı. Ruhu şad olsun.

Allah rəhmət eləsin. Amin